قصور+ فیروز والا + فیصل آباد + گوجرہ (نامہ نگار+ نمائندہ خصوصی) مختلف وجوہات پر 2 خواتین سمیت 5 افراد نے زندگی کا خاتمہ کرلیا۔ قصور اور اس کے نواح میں جواں سالہ لڑکی سمیت دو خواتین نے زہریلی گولیاں کھا لیں۔کوٹ رادھاکشن کے علاقہ بھمبہ کلاں میں گھریلو ناچاکی پر عبدالرحمن کی بیٹی طاہرہ بی بی نے گندم میں رکھنے والی زہریلی گولیاں کھاکر زندگی کا خاتمہ کر لیا۔ مصطفی آباد (للیانی) کے گائوں وہیگل میں بھی گھریلو ناچاکی پر شادی شدہ خاتون طاہرہ بی بی زوجہ عبدالحمید نے زہریلی گولیاں کھا لیں۔ فیروز والا میں قصبہ برج اٹاری میں محنت کش 50 سالہ شخص نے گھریلو حالات اور بے روزگاری سے تنگ آکر زہریلی گولیاں کھا کر خودکشی کرلی۔ فیصل آباد اور گوجرہ میںدو نوجوانوں نے زندگی کا خاتمہ کر لیا۔