لاہور(نمائندہ سپورٹس+سپورٹس رپورٹر) ویسٹ انڈیز کو ان کے گھر میں دھول چٹانے والے مصباح الحق اہلیہ سمیت وطن واپس پہنچ گئے،ڈائریکٹر کرکٹ آپریشنز ہارون رشید، عثمان واہلہ سمیت مداحوں نے ایئرپورٹ پرشانداراستقبال کیا۔سابق کپتان پر پھول کی پتیاں نچھاور کیں،پھولوں کے ہار اور گلدستہ پیش کر کے بتا دیا کہ"کرکٹ وِل مِس یو"،کرکٹ لورز کی محبت دیکھ کر مصباح اورانکی اہلیہ بھی خوش نظر آئے۔مصباح الحق نے کہا کہ وہ کسی نہ کسی طور پر کھیل سے جڑے رہنا چاہتے ہیں،مستقبل میں کرکٹ کی ترقی اور فروغ کیلئے کچھ نہ کچھ ضرور کریں گے۔مستقبل کا فیصلہ سوچ سمجھ کر کروں گا۔ ویسٹ انڈیز کیخلاف سیریز کا آخری ٹیسٹ میچ ہمیشہ یاد رہےگا۔کپتانی میرے لیے اعزاز ہے۔ہم نے وہ کامیابی حاصل کی ہے جس کا دنیا کی باقی ٹیمیں صرف خواب دیکھتی ہیں۔