لاہور(سپورٹس رپورٹر+ نمائندہ سپورٹس) بیس بال فیڈریشن آف ایشیا کے زیر اہتمام ایشین انڈر12اور انڈر 18 چیمپئن شپس کیلئے پاکستان کی ٹیموں کا اعلان کردیا۔سید فخرعلی شاہ صدرپاکستان فیڈریشن بیس بال نے بتایا کہ انڈر12 چیمپئن شپ تائیوان میں اگست 13سے 19 تک کھیلی جائےگی۔ٹورنامنٹ میں جاپان، کوریا، تائیوان، ہانگ کانگ، انڈونیشیا،بھارت، سری لنکا اور پاکستان کی ٹیمیں شامل ہیں۔ بارہویں انڈر 18ایشین بیس بال چیمپئن شپ جاپان میں ستمبر 3سے 10تک کھیلی جائےگی۔ ٹورنامنٹ میں حصہ لینے والی ٹیموں میں جاپان، کوریا، تائیوان، چائنا، انڈونیشیا، ہانگ کانگ، سری لنکا اور پاکستان کی ٹیمیں شامل ہیں ۔ اس ماہ کی 14اور 15تاریخ کو پاکستان فیڈریشن بیس بال نے نیشنل انٹر سکول بیس بال چیمپئن شپ کا انعقاد کیا تھا جس میں سے بہترین کھلاڑیوں کا انتخاب کرلیا گیا ہے ۔