لاہور (سٹاف رپورٹر) شہر میں ڈاکوئوں اور چوروں نے شہریوں کو لاکھوں روپے کی نقدی، زیورات و قیمتی سامان سے محروم کردیا۔ ڈاکوئوں نے تھانہ ہربنس پورہ کے علاقہ میں ظہیرکے گھر سے 3لاکھ 90ہزار روپے کی نقدی وزیورات، تھانہ راوی روڈ کے علاقہ سے ضعیم کے گھر سے فیملی کو یرغمال بنا کر 1لاکھ 70ہزارروپے کی نقدی وموبائل، تھانہ لٹن روڈ کے علاقہ میں ہمایوں کی فیملی سے70ہزار کی نقدی وموبائل، تھانہ نشتر کالونی کے علاقہ میںفاروق کے گھر سے 7لاکھ40ہزار کی نقدی وزیورات، تھانہ مصری شاہ کے علاقہ میںماجد کے گھر سے 5لا کھ 80ہزار روپے مالیت کی نقدی وزیوارت، تھانہ چوہنگ کے علاقہ میں قمر کے گھر سے4لا کھ 85ہزارکی نقدی وزیورات لوٹ لیے۔ شادباغ، مغلپورہ میں گاڑیاں اور ماڈل ٹائون میںکاشف، اسلام پورہ میں سہیل،مستی گیٹ میں وارث، لٹن روڈ میں بلال اور سبزاہ زار میں عرفان کی موٹرسائیکلیں چوری کر لی گئیں۔