مری، کوٹلی ستیاں اور کہوٹہ کے سکولوں کے نئے نظام الاوقات جاری

راولپنڈی(نیوزرپورٹر) ضلع راولپنڈی کی حدود میں واقع تعلیمی ادارے جہاں گرمیوں کی چھٹیاں نہیں ہورہی ہیں ۔ رمضان المبارک کے دوران ان سکولوں کے نئے نظام الاوقات جاری کر دیے گئے ہیں۔ ڈسٹرکٹ ایجوکیشن اتھارٹی کی جانب سے جاری نوٹیفکیشن کے مطابق مری، کوٹلی ستیاں اور کہوٹہ کے سکولوں کے اوقات کار پیر سے جمعرات تک صبح آٹھ سے دن 12:30 اور جمعہ کو صبح آٹھ سے 11:30 تک ہوں گے۔ یادر ہے کہ راولپنڈی کے ان تین اضلاع میں گرمیوں کے بجائے سخت سردی کے دنوں میں چھٹیاں ہوتی ہیں کیونکہ سردی میں ان اضلاع میں برف پڑ جانے کے باعث سخت سردی ہوتی ہے اور راستے بلاک ہو جاتے ہیں ۔ جبکہ گرمیوں میں موسم قدرے ٹھنڈا رہتا ہے۔