میوہسپتال سرجیکل ٹاورکے افتتاح کے موقع پرمیڈیا سے گفتگو میں وزیراعلیٰ شہبازشریف نے کہا کہ صوبے میں جدید اسٹیٹ آف دی آرٹ ہسپتال بنائے ہیں، دوسری طرف شوکت خانم ہسپتال بنانے والوں نے کے پی میں ہسپتالوں کا بیڑا غرق کردیا۔ایک بھی نیا ہسپتال اوریونیورسٹی نہیں بناسکے۔انہوں نے کہا کہ نیازی صاحب نے بلین ٹری کے نام پربلین جھوٹ بولے۔نیازی خان نے ان پرتین الزامات لگائے لیکن انہیں ثابت کرنے کے لیے ایک مرتبہ بھی عدالت میں پیش نہیں ہوئے.ان کا کہنا تھا کہ نیب ہویاکوئی اورادارہ سب کے ساتھ یکساں انصاف ہونا چاہیے۔ملتان میٹروکاکیس نیب نے سب سے پہلے اٹھایا لیکن کرپشن ثابت نہ ہوسکی۔ چیف جسٹس کا احترام ہے ان کی رہنمائی میں خامیاں سدھارنے کی کوشش کررہے ہیں،ڈبل ون ڈبل ٹوکے بعد جل ایئرایمبولینس سروس شروع کریں گے.شہبازشریف نے پیپلزپارٹی کی قیادت کو تنقیدکانشانہ بناتےہوئے کہا کہ سندھ کا برا حال ہے،لاڑکانہ حیدرآباد میں لوگ چیخ اٹھے کہ انہیں سندھ حکومت نے کچھ نہیں دیا.