آئی سی سی نے اردو میں ایپ متعارف کرا دی

لاہور(سپورٹس ڈیسک )آئی سی سی نے ورلڈ کپ کی لمحہ بہ لمحہ آگاہی کیلئے انگریزی کے ساتھ ساتھ اردو زبان میں بھی ایپ متعارف کرا دی ہے۔اردو زبان سے واقفیت رکھنے والے کرکٹ کے شائقین کیلئے اچھی خبر یہ ہے کہ انٹرنیشنل کرکٹ کونسل کی جانب سے پہلی بار ورلڈ کپ کی آگاہی کیلئے اردو زبان میں ایپ متعارف کرائی ہے۔یہ ایپ شائقین کو لمحہ بہ لمحہ کرکٹ کی خبروں اور ان پر تبصروں سے آگاہ رکھیں گے۔ آئی سی سی نے ہندی اور بنگالی زبان میں بھی ایپس متعارف کرائی ہیں۔