کورونا، یوتھ ورلڈ ٹائٹل کیلئے باکسر عثمان وزیر کی فائٹ مؤخر کر دی گئی

کراچی (اسپورٹس رپورٹر)کوروناوائرس کے پیش نظر یوتھ ورلڈ ٹائٹل کیلئے باکسر عثمان وزیر کی فائٹ مؤخر کر دی گئی۔تفصیلات کے مطابق یوتھ ورلڈ ٹائٹل کے لیے فائٹ کو کورونا وائرس کی وجہ سے مؤخر کیا گیا ،فائٹ مینی پاکیوپرومشن کے تحت 22مئی کو منیلا میں ہونی تھی۔فائٹ کو مؤخر کرنے کا اعلان ورلڈ چمپئن جیروان انکجاس نے کیا۔ جیروان انکجاس کے مطابق چند دن بعد نئی تاریخ کا اعلان کریں گے، فائٹ کوروناوبا کے باعث موخرکی گئی۔دوسری جانب باکسر عثمان وزیر نے بتایا کہ فائٹ مؤخر ہوئی ہے جلد نئی تاریخ کا اعلان ہوگا، ہم تیار ہیں اور مزید پریکٹس جاری رکھیں گے تاکہ اچھا پرفارم کرسکیں۔