دبئی(سپورٹس ڈیسک) پاکستان، آسٹریلیا، بھارت، نیوزی لینڈ ، انگلینڈ اور جنوبی افریقہ نے کامن ویلتھ گیمز 2022 کیویمنز  ٹی 20 کرکٹ ایونٹ کے لئے کوالیفائی کر لیا ہے۔ ان ٹیموں کا فیصلہ انٹرنیشنل کرکٹ کونسل (آئی سی سی) کی تازہ ترین درجہ بندی کے ذریعے کیا گیا ہے۔ آئی سی سی کے مطابق ویسٹ انڈیز سے تعلق رکھنے والا ایک ملک ٹورنامنٹ میں حصہ لے گا کیونکہ کیربیئن خطے کے ایتھلیٹس انفرادی طور پر اپنے اپنے ملک کی نمائندگی کریں گے۔ انگلینڈ کی خواتین  ٹیم میزبان کی حیثیت سے میدان میں اترے گی۔ اسی طرح آٹھویں ٹیم کا انتخاب کوالیفائنگ رائونڈ کے بعد ہو گا۔ کامن ویلتھ گیمز 26 جولائی 2022 کو انگلینڈ کے شہر برمنگھم میں شروع ہوں گے۔