لاہور(سپورٹس رپورٹر) پاکستان سپر لیگ 6 کے بقیہ میچز کیلئے کرونا ٹیسٹنگ کا آغاز ہوگیا۔کرونا ٹیسٹنگ میں کلیئر ہونے والے کھلاڑی اور معاون سٹاف ارکان کل سے قرنطینہ کیلئے لاہور اور کراچی کا رخ کریں گے۔ کراچی کنگز اور کوئٹہ گلیڈیٹر کراچی میں قرنطینہ کریں گی، لاہور قلندرز ، اسلام آباد یونائیٹڈ، پشاور زلمی اور ملتان سلطانز لاہور میں قرنطینہ کریں گی۔تمام ٹیموں کی دوسری کرونا ٹیسٹنگ کراچی اور لاہور کے ہوٹلز میں ہوگی، ٹیسٹنگ کلیئرنس کے بعد ٹیمیں وآفیشلز چارٹرڈ پروازوں سے یو اے ای پہنچیں گی۔ کھلاڑیوں کی روانگی کیلئے 29 مئی کی فلائٹس بک کی گئی ہیں، پاکستان سے یواے ای جانی والوں کی تیسری ٹیسٹنگ وہیں ہوگی۔غیر ملکی کھلاڑیوں کی دوسری اور تیسری کووڈ ٹیسٹنگ یو اے ای میں ہوگی، کھلاڑیوں و آفیشلز کو کووڈ ویکسینیشن کی سہولت بھی دی جائے گی۔