گوجرانوالہ (نمائندہ خصوصی) تحریک انصاف کے ترجمان کے مطابق عمران خان لاہور سے براستہ جی ٹی روڈ گوجرانوالہ آئیں گے ان کے ساتھ تحریک انصاف کی مرکزی قیادت شاہ محمود قریشی ، فواد چوہدری ، شیخ رشید ،پنجاب کے صدرشفقت محمود، اعجاز چوہدری ، ابرار لحق ہمراہ ہوں گے عمران خان گوجرانوالہ کے جناح سٹیڈیم میں ہونیوالے جلسہ سے تاریخی خطاب کریں گے عمران خان کی آمد سے قبل کھابوں کی تیاریاں شروع کر دی گئیں جس میں عمران خان کا پسندیدہ دیسی مرغا ، مٹن مچھلی ، بیف کباب ، دیسی گھی میں بنا کڑاہی گوشت ، دیسی مرغ پلائو اور باربی کیو شامل ہیں بصورت خطاب سے لیٹ ہونے پر انہیں مکڈونلڈ کا بگ میک بیف برگر کھلایا جا ئے گا ۔دوسری طرف جلسہ سے قبل شہر کے مختلف علاقوں میں کارکنوں نے گاڑیوں اور موٹر سائیکلوں پر ریلیاں نکالیں۔ نوشہرہ روڈ سے شروع ہونیوالی ریلی کی قیادت اعجازچوہدری جبکہ چنداقلعہ سے شروع ہونیوالی ریلی کی قیادت فواد چوہدری کر رہے تھے۔ ریلیوں کے باعث جی ٹی روڈ پر ٹریفک سست روی کا شکار رہی۔