فیروزوالہ( نامہ نگار) وزیر اعلیٰ پنجاب حمزہ شہباز شریف کی ہدایات پر ڈپٹی کمشنر شیخوپورہ رانا شکیل اسلم نے اشیائے خوردونوش کی قیمتوں اور معیار کا جائزہ لینے کیلئے سبزی منڈی کا دورہ کیا۔ ایڈیشنل ڈپٹی کمشنر جنرل سید موسیٰ رضا، اسسٹنٹ کمشنر محمد جمیل بھی ڈپٹی کمشنر رانا شکیل اسلم کے ہمراہ تھے۔ ڈپٹی کمشنر نے پھل سبزیوں دالوں گھی آٹا سمیت دیگر اشیاء خوردونوش کی سرکاری اور قیمت فروخت کو چیک کیا۔ ڈپٹی کمشنر نے مارکیٹ کمیٹی کے عملے اور پرائس کنٹرول مجسٹریٹ کو ہدایت کی کہ وہ سرکاری نرخوں پر معیاری اشیاء کی فروخت یقینی بنائیں۔