لاہور(سپورٹس رپورٹر)قومی ٹیم کے اوپننگ بیٹر امام الحق نے پاکستان کرکٹ بورڈ کے سنٹرل کنٹریکٹ میں اضافے پر خوشی کا اظہار کرتے ہوئے اسے خوش آئند قرار دیا۔ امام الحق نے کہاکہ کھلاڑیوں کے سنٹرل کنٹریکٹ کے معاوضے میں اضافہ خوش آئند ہے۔ آسٹریلیا جیسی بڑی ٹیم کیخلاف پرفارم کرتے ہیں تو مورال بلند ہوتا ہے۔ ویسٹ انڈیز اور سری لنکا سیریز کیلئے تمام لڑکے تیار ہیں۔ مجھے جس نمبر پر موقع ملے گا کوشش کرونگا پرفارمنس دوں۔ ویسٹ انڈیز سیریز میں بائیو سکیور ببل کا نہ ہونا ایسے ہی ہے جیسے ہماری عید ہو۔ بائیو سکیور ببل میں کرکٹ کھیلنا بہت مشکل تھا۔ آگے لمبا سیزن ہے ، جتنی ٹف ٹریننگ کریں گے اس کا فائدہ ہوگا ۔