جناح سندھ میڈیکل یونیورسٹی ، طلباء  میں دینی بیداری کیلئے موٹیویشنل سیشن کا انعقاد 

کراچی (نیوز رپورٹر)  جناح سندھ میڈیکل یونیورسٹی کے طلباء میں دینی بیداری کے لییموٹیویشنل سیشن کا انعقاد کیاگیا جس کا عنوان’’بحران میں کھوئی ایک نسل‘‘ تھا،سیشن میں شرکت کیلئے طلبا کی کثیر تعداد نے رجسٹریشن کروائی۔اس موقع پر مہمان خصوصی و موٹیویشنل اسپیکر راجہ ضیاء  الحق کا کہناتھاکہ دنیا کی تاریخ کا سب سے بہترین دور اسلامی خلافت کا رہا اس دور میں نہ صرف مسلمان بلکہ غیر مسلم بھی خوشحال تھے جبکہ آج کا دور مغرب کے زیر اثر ہے اور اس دور میں مسلمان زوال کا شکار ہیں،گزشتہ برسوں میں دینی و روحانی تعلیم سے دوری اور بڑھتے ہوئے مغربی اثر و رسوخ نے ہمارے ملک کے نوجوانوں کو بدحالی کی طرف دھکیل دیا ہیلہٰذا نوجوانوں کو دین سے جڑنے کی ضرورت ہے تاکہ وہ حقیقی ترقی کی منازل طے کر سکیں۔جناح سندھ میڈیکل یونیورسٹی کے وائس چانسلر پروفیسر امجدسراج میمن نے سیشن کیانعقاد کو سراہتے ہوئے طلباء کو مشورہ دیا کہ وہ میڈیکل کی تعلیم کیساتھ ساتھ اپنی زندگی دین اسلام کے سانچہ میں بھی ڈھالیں، رسول ﷺ کی سنت اپنائیں اور اپنی ثقافتی اقدار کی قدر کریں۔سیشن کے اختتام پر کمیونٹی میڈیسن کے سربراہ و ایسوسی ایٹ پروفیسر سید تفضل حیدر زیدی نے مہمان خصوصی اور شرکاء کا شکریہ ادا کیا جبکہ اس سیشن کا انعقاد جناح سندھ میڈیکل یونیورسٹی کی چیف کلینکل کو آرڈی نیٹر اورجنرل سرجری کی اسسٹنٹ پروفیسر سیدہ زرین رضا اوراسٹوڈنٹ کونسل کی فیتھ سوسائٹی کی کوششوں سے کیاگیا تھا۔