ہر اقدام آئین اور قانون کے مطابق کیا، آئندہ بھی قانون کے تحت چلیں گے
عوامی خدمت کے سفر میں سب کو ساتھ لیکر چلوں گا،پی پی پنجاب کے وفد سے گفتگو
وزیراعلیٰ پنجاب حمزہ شہباز نے کہا ہے کہعمران نیاز ی اور اس کے حواریوں نے آئین کے ساتھ کھلواڑ کیا۔وزیراعلیٰ پنجاب حمزہ شہباز سے پیپلزپارٹی کے وفد نے ملاقات کی، جس میں اراکین پنجاب اسمبلی سید حسن مرتضیٰ، سید حیدر گیلانی اور مخدوم عثمان احمد محمود شامل تھے۔ ملاقات میں باہمی دلچسپی کے امور اور سیاسی صورتحال پر گفتگو کی گئی۔اس موقع پر حمزہ شہباز نے کہا کہ پہلے بھی ہر اقدام آئین اور قانون کے مطابق کیا، آئندہ بھی آئین اور قانون کے تحت چلیں گے، پنجاب میں اتحادیوں کے ساتھ بہترین ورکنگ ریلیشن شپ ہے، عوامی خدمت کے سفر میں سب کو ساتھ لیکر چلوں گا، مل کر خلق خدا کی خدمت کریں گے، عمران نیاز ی اور اس کے حواریوں نے آئین کے ساتھ کھلواڑ کیا، یہ عناصر پاکستان کی معیشت کو تباہ کرنے کے ذمہ دار ہیں۔