پی ایس ایل2026 ء میں مزید 2 ٹیمیں شامل کرنے کا منصوبہ

لاہور(سپورٹس رپورٹر)پاکستان کرکٹ بورڈ نے  پاکستان سپر لیگ 2026 ء میں مزید 2 ٹیمیں شامل کرنے کا منصوبہ بنایا ہے۔ لاہور میں پی سی بی اور پی ایس ایل فرنچائز مالکان کا اجلاس ہوا جس دوران پی ایس ایل 2025 ء کی ونڈو سے متعلق تبادلہ خیال کیا گیا جبکہ اجلاس میں ہرفرنچائزکے ایک ایک کھلاڑی کو براہ راست سائن کرنے کے آپشن پربھی تبادلہ خیال کیا گیا۔اجلاس میں بتایا گیا کہ پی سی بی پشاور اورکوئٹہ کو پی ایس ایل کے ممکنہ وینیوز کے طور پرغور کریگا، ان دونوں شہروں کا ماحول سازگاراور معاون ہونے سے مشروط ہوگا۔پی سی بی حکام کا کہنا تھا کہ پی ایس ایل2026 میں مزید 2 ٹیمیں شامل کرنے کا منصوبہ ہے، پی ایس ایل اورآئی پی ایل کے اپریل، مئی کی ایک ساتھ ونڈوز میں کھلاڑیوں اور شائقین کو فائدہ ہوگا۔