فیروزوالہ( نامہ نگار )جی ٹی روڈ پر ٹریفک کے مختلف حادثات میں ایک شخص ہلاک چار عورتوں سمیت 15 افراد زخمی ہو گئے۔ بدو پلی کوٹ عبدالمالک کے قریب تیز رفتارمنی ٹرک بے قابو ہو کر الٹ کا رکشہ سے جا ٹکرایا جس کے نتیجہ میں رکشہ سوار چار عورتوں سمیت 5 افراد زخمی ہو گئے۔ زخمیوں میں حمیداں بی بی، پروین بی بی اور فیضان وغیرہ شامل ہیں۔ تھانہ صدر کے علاقہ میں تیز رفتار گاڑی کی ٹکر لگنے سے ایک معمرشخص ہلاک ہو گیا ۔پولیس نے نعش قبضہ میں لے لی ۔لاہور روڈ پر پائی پاس کے قریب ایکسل ٹوٹنے کی وجہ سے رکشہ الٹ گیا‘ 3 مسافر  زخمی ہوگئے۔لاہور روڈ موٹرسائیکلساز فیکٹری کے قریب تیزرفتاری کے باعث ویگن اوررکشہ میں تصادم کے نتیجہ میں چار افراد تصور حسین، طار ق اورطاہر محمود زخمی ہوگئے۔ رانا ٹاؤن کے قریب رکشہ الٹنے سے تین افراد زخمی ہو گئے۔