لاہور(لیڈی رپورٹر)لاہور کے گورنمنٹ گرلز ہائی سکول نیپئر روڈ میں سٹوڈنٹ کونسل کے الیکشن ہوئے۔ صدر، نائب صدر، جنرل سیکرٹری، فنانس سیکرٹری، سپورٹس سیکرٹری، ڈیبیٹنگ سوسائٹی، کلچرل سوسائٹی کے عہدیداران کا انتخاب کیا گیا۔ الیکشن میں حصہ لینے والی امیدواروں نے بھرپور انتخابی مہم چلائی۔ پولنگ کا وقت ختم ہونے کے بعد شفاف انداز میں ووٹوں کی گنتی کی گئی۔ ایمن خان صدر، سعیدہ فاطمہ کنان نائب صدر، مشائم کامران جنرل سیکرٹری، گلشن آرا اسپورٹس سیکرٹری، آئمہ خرم ڈیبیٹنگ سیکرٹری، نویراامجداور ملائکہ عرفان کلچرل سیکرٹری، آمنہ امین فنانس سیکرٹری کے عہدے پر کامیاب ہوئیں۔ نو منتخب عہدیداروں نے پروقار تقریب میں اپنے عہدے کا حلف اٹھالیا۔سکول پرنسپل نائلہ الیاس نے کامیاب عہدیداروں کو مخصوص رنگوں کی سیش پہنائی۔