شیخوپورہ(نمائندہ خصوصی) حکومت پنجاب کی ہدایت پر صوبہ بھر میں گائیکی کے مقابلوں کا انعقاد کیا جارہاہے جس کے انتظامات کا جائزہ لینے کے لیے بورڈ آف مینجمنٹ کا اجلاس ہوا۔ سیکرٹری بورڈ آف مینجمنٹ افراز احمد، چیئرمین چیمبر آف کامرس منظور الحق ملک، ایڈیشنل ڈپٹی کمشنر فنانس و پلاننگ میاں نذیر احمد، سی سی او ایجوکیشن علی احمد سیان، پروفیسر ڈاکٹر نگہت خورشید ، عامر خان سمیت دیگر بورڈ آف مینجمنٹ کے ممبرز، صحافیوں نے اجلاس میں شرکت کی۔ اجلاس میں بتایا گیا کہ ابتک لاہور ڈویژن کے 25 سو سے زائد لوگوں کی رجسٹریشن مکمل ہوگئی ہے، موسیقی کے مقابلہ جات میں حمد، نعت، شاعری، ہیر وغیرہ شامل ہیں۔ شیخوپورہ میں 11 جون 2024 کو مقابلے منعقد ہونگے جس میں پوزیشن ہولڈرز لاہور ڈویژن کی سطح پر اپنے فن کا مظاہرہ کریں گے۔