توفیق بٹ ، جمشید ایوب بٹ کی سابق وزیراعلیٰ پنجاب حمزہ شہبازسے ملاقات

گوجرانوالہ(نمائندہ خصوصی)ڈویژنل جنرل سیکرٹری و سابق ایم پی اے توفیق بٹ اور سٹی نائب صدر ن لیگ جمشید ایوب بٹ کی سابق وزیراعلیٰ پنجاب حمزہ شہباز شریف سے خصوصی ملاقات ۔ملاقات میں گوجرانوالہ کی سیاسی صورتحال تنظیمی امور اور عوامی مسائل پر گفتگو کی گئی جبکہ میاں حمزہ شہباز شریف نے پارٹی کی نچلی سطح پر تنظیم نو اور کارکنوں کو متحرک و فعال کرنے کے حوالے سے خصوصی ہدایات دیں ۔اس موقع پر گفتگو کرتے ہوئے مرکزی نائب صدر و سابق وزیر اعلیٰ میاں حمزہ شہباز شریف نے کہا کہ مسلم لیگ ن کا قائد میاں نواز شریف کو ایک بار پھر صدر منتخب کرانے کا فیصلہ کارکنوں کے لیے ایک بڑی خوشخبری ہے اور اس سے ان میں ایک نیا جوش اور ولولہ پیدا ہوگا انہوں نے ن لیگی کارکنوں کو متحد رہنے اور پارٹی کا اور پارٹی کا کام صدق دل سے جاری رکھنے کا پیغام دیا انہوں نے کہا کہ معاشی مشکلات کیباوجودمسلم لیگ ن عوام سے کیے گئے اپنے ہر وعدے پر قائم ہے اور عوام کے لیے آسانیاں پیدا کرنے کے ایجنڈے کو ہر قیمت پر پورا کرے گی۔