گوجرخان (نامہ نگار) گوجرخان  کے علاقے سپیلالی میں فائرنگ سے ایک شخص قتل جبکہ دوسرا زخمی ہو گیا ۔ پولیس نے مقدمہ درج کر لیا ۔ صبا اورنگزیب زوجہ اور نگزیب  سکنہ سپیالی مانکیالہ مسلم گوجر خان  نے پولیس کو رپورٹ درج کراتے ہوئے بتایا کہ 17 مئی ساڑھے نو بجے دن اپنے بچوں اور خاوند  اورنگزیب ہمراہ گھر میں موجود تھے کہ  تین خواتین نے میرے ساتھ جھگڑا شروع کر دیا جونہی میرا خاوند ہمیں چھڑوا نے کے لئے آگئے بڑھا تو زاہد سلطان ولد محمد ریاض سکنہ سپیالی بنگیال مانکیالہ مسلم آگیا اور آتے ہی بانیت قتل سیدھا فائر میرے خاوند اورنگزیب پر کیا جو میر ے خاوند کو پیٹ پر لگا جو شدید زخمی ہو کر گر پڑا لڑائی جھگڑا اور شور واویلا کی آواز سن کر محمد سلیمان ولد قمر زمان سکنہ دیبہ بھی آگئے تو زاہد سلطان نے دوسرا فائر بھی بانیت قتل مسمی اور نگزیب پر کیا جس کو بچانے کی خاطر محمد سلمان آگے آئے جو ان کو دائیں ہاتھ کی ہتھیلی پر لگا جو بھی مضروب ہو گئے محمد سلمان نے ملزم  زاہد سلطان کو پکڑنے کی کوشش کی جو کامیاب نہ ہو سکے زاہد سلطان ہمراہ اپنی زوجہ وغیرہ ہمیں سنگین نتائج کی دھمکیاں دیتے ہوئے موقع سے فرار ہو گئے ہیں  زخمیوں کو تحصیل ہیڈ کوارٹر ہسپتال گوجرخان پہنچا دیا گیا جو جانبر نہ ہو سکے ۔ میرے خاوند کو ناحق قتل کر دیا گیا پولیس تھانہ گوجرخان نے مقدمہ درج کر کے تفتیش شروع کر دی۔