واپڈا ہائیڈرو الیکٹرک ورکرز یونین کے انتخابات میں تمام عہدیداران بلامقابلہ کامیاب

کلر سیداں (نامہ نگار) آئیسکو سب ڈویژنز کلرسیداں اور چوآخالصہ میں واپڈا ہائیڈرو الیکٹرک ورکرز یونین کے انتخابات میں تمام عہدیداران بلا مقابلہ کامیاب قرار پائے۔سب ڈویژن کلرسیداں میں  قاضی جاوید ظفر  اتفاق رائے سے آل پاکستان واپڈا ہائیڈرو الیکٹرک ورکرز یونین کلر سیداں کے چیئر مین منتخب ہو گئے ہیں۔دیگر میں ارشد محمود وائس چیئر مین،راجہ سجاد احمد جنرل سیکرٹری،سردار خان جوائنٹ سیکرٹری کے عہدے پر بلامقابلہ منتخب کر لیا گیا ہے۔ اسی طرح چوآ خالصہ سب ڈویژن میں عالمگیر پراچہ بھی چوتھی بار چیئرمین کے عہدے پر بلامقابلہ منتخب ہو گئے ہیں۔دیگر عہدیداروں میں وائس چیئرمین کیلئے طاہر محمود،سینئر وائس چیئرمین کیلئے آصف خان اور سیکرٹری جنرل کیلئے یاسر منظور کے نام قابل ذکر ہیں۔