پاکستان نے ایشیئن اوپن تائیکوانڈو چیمپیئن شپ میں برونز میڈل حاصل کر لیا

کہوٹہ( نامہ نگار)پاکستان نے ایشیئن اوپن تائیکوانڈو چیمپیئن شپ میں برونز میڈل حاصل کر لیا۔ چیمپئین شپ کے پومزے ایونٹ میں 30 مما لک کی ٹیموں نے حصہ لیا پاکستان کی چوتھی پوزیشن ۔پاکستانی کھلاڑیوں نے شاندار کارکردگی کا مظاہرہ کیا۔کرنل (ر)  وسیم احمد جنجوعہ صدر پاکستان تائیکوا نڈو فیڈریشن پاکستان نے ویتنام کے شہر دانانگ میں جاری چھٹی ایشیئن اوپن تائیکوانڈو چیمپیئن شپ کے پومزے ایونٹ میں برونز میڈل حاصل کر لیا ۔ویتنام سے ٹیم آفیشل پاکستان تائیکوانڈو فیڈر یشن کے صدر کرنل( ر)را جہ وسیم احمد جنجوعہ نے تفصیلات بتاتے ہوئے کہا کہ پومزے ایونٹ میں 30 کے قریب ممالک کی ٹیموں نے حصہ لیا جس میں پاکستانی کھلاڑیوں نے شاندار کارکردگی کا مظاہرہ کرتے ہوئے ٹیم کو برونز میڈل دلایا پاکستان کی 7.533 کے ساتھ چوتھی پوزیشن رہی ۔ا یران نے 8.182 کے ساتھ پہلی، ویتنام نے 7.630 کے ساتھ دوسری پوزیشن حاصل کی جبکہ بھار ت کی ٹیم 6.349 کے ساتھ چھٹے نمبر پر رہی۔اس چیمپیئن شپ میں پاکستان کی پومزے ایونٹ کی ٹیم میں امیر حمزہ،شہباز احمد،عادل حسین،مدثر حسین،محمد ممتاز،نائیلہ،زینا شیراز اور عثمان عادل شامل ہیں صداقت حسین ٹیم مینجر اور ماسٹر سیونگوہ چوئے کوچ ہیں۔