پاکستان کرکٹ ٹیم کےسابق کپتان وسیم اکرم نےکہاہےکہ ٹیم کااس وقت مورال بلندہے،مصباح الحق اوریونس خان نےتنقید کرنے والوں کے منہ بند کردئیے ۔

اسلام آبادکےشالیمارکرکٹ گراونڈ میں تربیتی کیمپ کے دوران گفتگو کرتے ہوئے وسیم اکرم کاکہناتھاکہ پاکستان میں بہت ٹیلنٹ ہے،نئے لڑکوں کی حوصلہ افزائی کی جائےتویہی پاکستان کامستقبل بن سکتے ہیں،پاکستان کرکٹ بورڈ بڑے شہروں سےنکل کردوزدرازکے علاقوں سےٹیلنٹ تلاش کرے ۔انہوں نےکہاکہ ٹیسٹ سیریزمیں پاکستانی ٹیم کی کارکردگی بہترین ہےنیوزی لینڈکے خلاف ون ڈے میچزمیں مزید محنت کی ضرورت ہے ۔ وسیم اکرم کا کہنا تھا کہ شاہد آفریدی ایک اچھےآل راؤنڈرہیں اگروہ بیٹنگ میں کارکردگی نہ بھی دکھاسکیں توباؤلنگ میں کامیابی حاصل کرتےہیں ، سعید اجمل کےمسئلے کے حل کے لئے پی سی بی کوآگے آناہوگا۔