لاہور (خبر نگار) پاکستان رینجرز اکیڈمی منڈی بہائوالدین میں ریکروٹس کی پاسنگ آوٹ پریڈکی تقریب منعقد ہوئی جس میں 1514 ریکروٹس نے حلف اٹھایا۔ تقریب کے مہمان خصوصی کمانڈر لاہور کور لیفٹیننٹ جنرل صادق علی تھے۔ مہمان خصوصی کی آمد پرڈائریکٹر جنرل پاکستان رینجرز (پنجاب) میجر جنرل عمر فاروق برکی اور دوسرے اعلیٰ رینجرز افسران نے اُنکا استقبال کیا۔ مہمان خصوصی نے پریڈ کا معائنہ کیا اور سلامی لی پریڈ سے خطاب کرتے ہوئے کور کمانڈر نے کہا رینجرز کو ہمیشہ یہ اعزاز حا صل رہا ہے کہ اس کے بہادر اور دلیر جوانوں نے سب سے پہلے مادرِ وطن کی سرحدوں کا دفاع کیا ہے۔