حضور اکرمؐ کی تشریف آوری کائنات پر اللہ کا احسان ہے:ملک فیاض

کراچی(اسٹاف رپورٹر) چیئرمین ڈی ایم سی سائوتھ ملک محمد فیاض نے کہاہے کہ حضور اکرم ﷺ کی تشریف آوری پوری کائنات پر اللہ تعالی کا احسان عظیم ہے عاشقان رسول ﷺ کو ربیع الاوّل کے بابرکت مہینے میں تمام تر بلدیاتی سہولیات کی فراہمی بھی عبادت کا درجہ رکھتی ہے ڈی ایم سی سائوتھ انتظامیہ کی جانب سے 12 ربیع الاول کے سلسلے میں نکلنے والے جلوسوں کی گذرگاہوں ،مساجداورمقامات محافل کے اطراف صحت وصفائی، روشنی، نکاسی آب اور سڑکوں کی استرکاری وغیرہ کے تمام انتظامات دستیاب وسائل کو برئوئے کار لاتے ہوئے بہترین کئے جائیں گے ان خیالات کااظہارانہوں نے کتیانہ میمن کمیونٹی ہال کھارادر میں علماء کرام کے ساتھ12ربیع الاوّل کے سلسلے میں انتظامات کو حتمی شکل دینے کیلئے منعقدہ اجلاس سے خطاب کرتے ہوئے کیا۔