لاہور (خصوصی نامہ نگار) انجمن اہلحدیث لاہور کے صدر اور جامع محمدی اہلحدیث سنت نگر کے خطیب مولانا فضل الرحمن بن محمد نے اجتماع سے خطاب کرتے ہوئے کہا ہے کہ اسلام کی سچائی اور تیزی سے پھیلنے کے باعث طاغوتی طاقتیں دین اسلام کو بدنام کرنے کیلئے ایک ایجنڈا پر جمع ہو چکی ہیں شوشلزم کمیونزم اور فاشزم کے بعد اب وہ اسلام کو بدنام کرنا چاہتے ہیں۔ مسلمان اس صورتحال سے نبرد آزما ہونے کیلئے اپنے باہمی اختلافات ختم کرکے متحد ہو جائیں۔