نبی کریمؐ کی تشریف آوری سے ظلمت کے اندھیرے ختم ہو گئے: علامہ فاروق

ملتان (سماجی رپورٹر) انجمن طلباء اسلام کے زیراہتمام طلباء ریلی گورنمنٹ سائنس کالج سے شروع ہوئی اور چونگی نمبر 9 پر اختتام پذیر ہوئی ریلی میں کثیر تعداد میں طلباء نے شرکت کی ریلی کی قیادت انجمن طلباء اسلام ضلع ملتان کے ناظم مہر سکندر اقبال نوناری نے کی ریلی سے مرکز رہنما جماعت اہلسنت پاکستان علامہ فاروق خان سعیدی نے خطاب کرتے ہوئے کہا کہ ہمارے پیارے نبیؐ کی زندگی ہمارے لئے مشعل راہ ہے اور ان کے آنے سے ظلمت کے اندھیرے ختم ہو گئے غلاموں کو ان کا آقا مل گیا اور بے سہارو کو ان کا سہارا مل گیا ضلعی ناظم ملتان سکندر اقبال نوناری اور سٹی ناظم ملتان ملک محمد مبشر نے کہا انجمن طلباء اسلام تعلیمی اداروں میں فروغ عشق رسول کے لئے اپنی سرگرمیاں جاری رکھیں گی اس موقع پر مہر جاویداشرف سیال محمد یونس محمد وقاص منگن ملک حمزہ کھوکھر قاری زوار سعیدی ملک اشرف کھوکھر علی خان اور دیگر مقررین نے خطاب کیا۔