لاہو ر(نامہ نگار) ڈسٹرکٹ پولیس لائنز قلعہ گجر سنگھ کی گذشتہ ہفتہ کی کارکردگی رپورٹ کے مطابق تفتیش کے معیار کو مزید بہتر بنانے اور جدید ٹیکنالوجی کے استعمال کو بروئے کار لانے کیلئے''بیسک انویسٹی گیشن''کورس جاری ہے جودو ہفتوں پر محیط ہو گا۔سب انسپکٹر اوراِسسٹنٹ سب انسپکٹر سمیت 20 پولیس افسران کورس میں شریک ہیں۔فائرنگ رینج پر گاردات کے 24،سیکیورٹی ڈویژن کے 84، ایلیٹ فورس کے 10 جبکہ 31 لیڈیز پولیس اہلکاروں کو فائر پریکٹس کرائی گئی۔سیاسی و اہم شخصیات کی پیشی سمیت دیگر اہم سیکیورٹی پوائنٹس اور لا اینڈ آرڈر کی صورتحال کو کنٹرول کرنے کیلئے پولیس لائنز سے روزانہ کی بنیاد پر 1250 سے زائد اہلکار روانہ کئے گئے۔