لاہور(سپورٹس رپورٹر) پہلا اوپن پنجاب کوآپریٹوہاوسنگ سوسائٹی لاہور کینٹ سنوکر ٹرافی ٹورنامنٹ الٹیمیٹ سنوکر کلب لاہور میں شروع ہو گیا۔ چیئرمین سپورٹس کمیٹی بابر اسماعیل بٹ نے فریم شارٹ کھیل کر ٹورنامنٹ کا افتتاح کیا۔ بابر اسماعیل بٹ نے بتایا کہ فاتح کھلاڑی کو ٹرافی اور پچاس ہزار روپے نقد جبکہ رنر اپ کیلئے پچیس ہزار اور بیسٹ بریک پر کیوسٹ کو پانچ ہزار دئیے جائیں گے۔ جنرل سیکرٹری شعیب نبی‘ عادل کھوکر اور مراتب کھوکر ممبر آرگنائزنگ بھی موحود تھے۔ پہلے روز پہلے راونڈ میں منان شیخ، ذیشان ملک، رانا ہنی، رانا کبیر، فیضان، مراتب کھوکر، سعد اور حارث قریشی نے کامیابی سمیٹ کر اگلے راونڈ کیلئے کوالیفائی کر لیا۔