پاک بحریہ کے زیر اہتمام مفت آئی کیمپ کا انعقاد

گجو ضلع ٹھٹہ میں پاک بحریہ کے زیر اہتمام آئی سائٹ ٹرسٹ کے تعاون سے مفت آئی کیمپ کا انعقاد کیا گیا۔ترجمان پاک بحریہ کے مطابق آئی کیمپ میں مقامی افراد کی ایک کثیر تعداد کو مفت معائنہ اور ادویات کی سہولت فراہم کی گئی۔آئی کیمپ کا مقصد علاقہ مکینوں کو امراض چشم سے بچائو اور احتیاطی تدابیر کے متعلق آگہی فراہم کرنا تھا۔ترجمان پاک بحریہ کا کہنا ہے کہ پاک بحریہ ساحلی علاقوں کے عوام کا معیار زندگی بہتر بنانے کے لیے کوشاں ہے، مفت آئی کیمپ کا انعقاد اسی سلسلے کی ایک کڑی ہے۔