امریکی ریاست کولوراڈو میں ایئر ٹینکر جنگل میں آگ بجھانے کے دوران گر کر تباہ ہونے کے نیتجے میں پائلٹ ہلاک ہو گیا ہے۔ چینی خبر رساں ادارے نے مقامی پولیس حکام کے حوالے سے بتایاہے کہ یہ حادثہ گزشتہ شام مقامی وقت کے مطابق 6 بجکر 37 منٹ پر ہرمٹ پارک کے قریب اس وقت پیش آیا کہ جب ایئر ٹینکر جنگل میں لگی آگ کو بجھانے میں مصروف تھا۔ حکام کے مطابق جنگل کی آگ جسے کو کروگر راک فائر کہا جاتا ہے،سب سے پہلے منگل کی صبح ایسٹس پارک کے جنوب مشرق میں راکی مانٹین نیشنل پارک کے قریب ایک قصبے میں لگی جو تیزی کے ساتھ باقی علاقے میں بھی پھیل گئی ہے ۔ آگ سےاب تک 133 ایکڑ پر جنگلات جل کر راکھ ہوگئے ہیں۔