اوتھل (این این آئی) ڈپٹی کمشنر لسبیلہ مراد خان کاسی، ایس ایس پی لسبیلہ دوستین دشتی ،چیف ٹرائبل سردار فاروق شیخ کی قیادت میں پاک افواج سے اظہار یکجہتی کے لئے پولیس لائن اوتھل سے ایک پروقار ریلی نکالی گئی ریلی میں پاکستان زندہ باد، پاک فوج زندہ باد کے فلک شگاف نعرے لگائے گئے۔ ریلی قومی شاہراہ اور اوتھل بازار کا گشت کرتے ہوئے پولیس لائن اوتھل میں ہی اختتام پذیر ہوئی۔ ریلی کے شرکاء سے ڈپٹی کمشنر لسبیلہ مراد خان کاسی، ایس ایس پی لسبیلہ دوستین دشتی ، بلوچستان عوامی پارٹی کے ضلعی رہنما چیف ٹرائبل سردار غلام فاروق شیخ نے خطاب کرتے کہا ہے کہ مادر وطن کے دفاع کیلئے پاک افواج نے جو کارنامے سر انجام دئیے ہیں انہیں ہمیشہ یاد رکھا جائے گا ۔ریلی میں ایڈیشنل ڈپٹی کمشنرلسبیلہ فرحان سلیمان رونجھو، ڈی ایس پی سرکل اوتھل،بیلہ محبوب گچکی سٹی پریس کلب اوتھل کے صدر خدا بخش لاسی، سینئر صحافی محبوب شاہ، لسبیلہ پولیس کے تمام ایس ایچ اوز، سی آئی انچارجز ‘ سکولوں کے طلباء سرکاری افسران سیاسی و سماجی شخصیات، قبائلی عمائدین اور شہریوں نے کثیر تعداد میں شرکت کی۔