آرمی چیف کا دورہ بہا ولپور اوکاڑہ:فائر پاورمشقوں کا مشاہدہ

اسلام آباد (خبرنگار خصوصی) آرمی چیف جنرل قمر جاوید باجوہ نے بہاولپور اور اوکاڑہ کا دورہ کیا اور فائر پاور مشقوں کا مشاہدہ کیا۔ پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق آرمی چیف جنرل قمر جاوید باجوہ نے بہاولپور میں یادگار شہداءپر حاضری دی۔ اس دوران پھول چڑھائے اور فاتحہ خوانی بھی کی۔ آئی ایس پی آر کے مطابق آرمی چیف نے بہاولپور میں خیرپور ٹامیوالی میں فائر پاور مشقوں کا مشاہدہ بھی کیا، مشقوں میں جے ایف 17 تھنڈر، گن شپ ہیلی کاپٹرز اور مشینوں نے شرکت کی۔ آئی ایس پی آر کے مطابق آرمی چیف نے مشقوں میں شریک فوجی جوانوں کے بلند جذبے، اعلی تربیتی معیار کو سراہا جبکہ جوانوں کو ہر طرح کے حالات میں قوم کی خدمت کی ہدایت کی۔ 
 آرمی چیف