میرٹ ، ایمانداری سے پولیسنگ میں اپنا نام پیدا کریں، اشفاق احمد خان 

راولپنڈی (اپنے سٹاف رپورٹر سے) کمانڈنٹ پولیس کالج سہالہ اشفاق احمد خان نے کہا ہے کہ دنیا میں اچھا انسان وہی ہے جو محنتی ہے اور اپنے کام کو جانتا ہے آپ کی کوشش ہونی چاہیئے کہ میرٹ اور ایمانداری سے پولیسنگ میں اپنا نام پیدا کریں سہالہ کالج راولپنڈی کی درخشاں روایات ہیںیہاں سے تربیت حاصل کرکے تھانہ کلچر میں واضح تبدیلی نظر آنی چاہئے اگر ایس ایچ او اور محرر مضبوط ہو گا تو عوام جرائم پیشہ عناصر سے محفوظ رہیں گے ہماری تحقیقی،علمی و عرفانی صلاحیتوں کے عروج و ارتقاءسے قوموں اور معاشروں میں حصول علم کے لئے بیداری پیدا ہوتی ہے انہوں نے یہ بات پولیس کالج سہالہ میں انٹرمیڈیٹ کلاس کورس کی الوداعی تقریب کے موقع پر خطاب کرتے ہوئے کہی ڈپٹی کمانڈنٹ، کورس کمانڈر،، چیف لاءانسٹرکٹرز،کورس کوارڈینیٹرز اور کورس کے تمام ماسٹر ٹرینیرز نے اس تقریب میں شرکت کی۔
 ،انٹرمیڈیٹ کلاس کورس کے 445 افسران نے 4 ماہ کا کورس مکمل کیا.اس موقع پر کورس کمانڈر نے کورس کے نصاب، مضامین اور نتائج کے بارے میں بریف کیا۔ کمانڈنٹ اشفاق احمد خان نے تمام شرکاءکو کورس کے کامیاب اختتام پر مبارکباد دی۔