لاہور(سپورٹس رپورٹر)آئرش ویمن کرکٹرز نے اگلے برس مارچ میں ویمنز لیگ کیلئے دوبارہ پاکستان آنے کی خواہش کا اظہار کر دیا۔آئرش ویمن کرکٹ ٹیم ون ڈے اور ٹی ٹونٹی سیریز کھیلنے کے بعد وطن واپس روانہ ہو چکی ہے۔آئرش کرکٹر گیبی لوئس نے کہا کہ پاکستان میں ہمارے لئے سب کچھ اچھا رہا ، میں یہاں دوبارہ آ کر کھیلنا چاہوں گی ۔ ویمنز لیگ کیلئے مجھے موقع ملا تو ضرور آؤں گی ۔ اورلا پینڈرگسٹ نے کہا کہ ویمنز لیگ میں کھیلنا ہمارے لئے ایک بڑا اچھا موقع ہو گا ۔ میرے خیال میں جس کو بھی موقع ملا وہ یہاں آکر کھیلے گی ۔ ایمئیر رچرڈسن نے کہا کہ جتنی بھی کھلاڑی یہاں ہیں وہ موقع ملنے کیلئے پرجوش ہیں ۔ پاکستانی کرکٹر منیبہ علی نے کہا کہ ویمنز لیگ پاکستان کرکٹ بورڈ کا قابل ستائش اقدام ہے ۔ غیر ملکی کھلاڑیوں نے مجھ سے بات کی اور دلچسپی ظاہر کی ۔فاطمہ ثناء نے کہا کہ ویمنز لیگ ہمارے لئے ایک بہت اچھا موقع ہے ۔جویریہ خان نے کہا کہ ویمنز لیگ سے ٹاپ ٹیموں اور ہمارے درمیان موجود گیپ ختم ہوگا۔