لاہور(سپورٹس ڈیسک )آسٹریلیا نے پہلے ایک روزہ میچ میں انگلینڈ کو 6 وکٹوں سے شکست دیتے ہوئے تین میچوں کی سیریز میں 0-1 کی برتری حاصل کرلی ہے۔ انگلش ٹیم نے  9 وکٹوں کے نقصان پر 287 رنز بنائے، ڈیوڈ میلان نے 134 رنز کی  اننگز کھیلی۔ آسٹریلیا نے ہدف چار وکٹوںپرپورا کرلیا۔ ڈیوڈ وارنر نے 86 جبکہ سٹیو سمتھ نے 80 رنز کی عمدہ اننگز کھیلی، ٹریوس ہیڈ نے بھی 69 رنز کی اننگز کھیل کر اپنی ٹیم کی فتح میں حصہ ڈالا۔ ڈیوڈ ویلی نے 2 وکٹیں حاصل کیں۔