محکمہ اوقاف نے آئمہ خطباء کے سکیل ریوائزڈ کرنے کی منظوری دیدی

راولپنڈی (سٹاف رپورٹر ) محکمہ اوقاف کی مساجد میں تعینات آئمہ خطباء کے سکیل ریوائزڈ کرنے کی منظوری دیدی گئی، صوبائی خطیب اور تاریخی مساجد کے خطیبوں کا گریڈ 18سے 19 ہو گا، ضلعی خطیب کی آسامی گریڈ 16 سے گریڈ7 1 کی ہو جائے گی،زونل خطیب، نائب خطیب،رئیس التبلیغ کی آسامی گریڈ17 سے گریڈ 18 ہو گی ، سینئر خطیب کی آسامی گریڈ 12 سے گریڈ16، خطیب کی آسامی گریڈ 9 سے گریڈ14ہو گی،نائب خطیب مدارس کی اسامی گریڈ6 اورگریڈ7  سے گریڈ12 کی ہو جائے گی، موذن کی اسامی گریڈ4  اور گریڈ 5 سے گریڈ7میں اپ گریڈ ہو جائے گی،سمری مالی معاونت کیلئے صوبائی کابینہ کے سامنے پیش کی جائے گی۔