لاہور(سپورٹس رپورٹر)پاکستان کے سابق فاسٹ باﺅلر شعیب اختر کی زندگی پر بننے والی فلم 'راولپنڈی ایکسپریس' میں مرکزی کردار عمیر جسوال نبھائیں گے،رواں برس جولائی میں شعیب اختر نے تصدیق کی تھی کہ ان کی زندگی پر فلم بنائی جائےگی جس کی شوٹنگ کا آغاز کردیا گیا ہے،شعیب اختر نے فلم کی جھلک انسٹاگرام پرشیئر کرتے ہوئے بتایا تھا کہ ان کی بائیوپک میں وہ حقائق بھی دکھائے جائیں گے جو اب تک کسی کے سامنے نہیں آسکے،تاہم اس فلم میں شعیب اختر کا کردار کون نبھائے گا اس حوالے سے کسی کو کوئی معلومات نہیں تھیں جبکہ اب اس اداکار کا نام بھی سامنے آگیا ہے،شعیب اختر کا کردار عمیر جسوال نبھائیں گے جنہوں نے گزشتہ روز اپنے سوشل میڈیا اکاﺅنٹس پر فلم کے کردار کی جھلک شیئر کی ،عمیر نے اپنی پوسٹ میں لکھا آپ سب کےساتھ یہ اعلان کرتے ہوئے بہت پرجوش اور خوش ہوں کہ راولپنڈی ایکسپریس میں، میں شعیب اختر کا کردار نبھاﺅں گا، بڑے پردے پر لیجنڈ شعیب اختر کا کردار ادا کرنے پر مجھے فخر ہے۔