خانیوال، شاہ جمال، ٹبہ سلطان پور میںگیس کی بندش ، شہری اذیت میں مبتلا

خانیوال، شاہ جمال، ٹبہ سلطان پور (نمائندہ خصوصی،نامہ نگار، سٹی رپورٹر) خانیوا ل شہر ، ٹبہ سلطان پورسمیت دیگر علاقوں میں گیس کی شدید لوڈشیڈنگ کا سلسلہ شروع ہوگیا کئی علاقوں میں پورا پورا دن گیس ہی نہیں آتی جبکہ اس دوران گیس کا پریشر بھی بہت کم ہوتا ہے جس سے گھریلوصارفین شدید پریشانی کا شکار ہیں  ندیم خان، عبید، جلیل، شرجیل،زوہیب، عمران، شوکت،پرویز، عامر اور آصف نے اعلیٰ حکام سے نوٹس لینے کا مطالبہ کیا ہے۔ شاہ جمالسے نامہ نگارکے مطابق آٹھ روز سے گیس مکمل بندہے جس پر شہریوں محمد یاسین کویتی،راشد رانا،محمد مرسلین رانا،رانا ندیم احمد ،آفاق بھٹہ،محمد عمران،محمد اکمل،مرید احمد ندیم،میاں تنویر تھہیم،دیگر نے شدید احتجاج کرتے ہوئے بتایا کہ دئیے گئے شیڈول کے مطابق گیس فراہمی تو درکنار شاہ جمال کی گیس مکمل بند ہو جانے سے وہ اذیت میں مبتلا ہو چکے ہیں۔