سرجانی ٹائون میں ڈمپر کی ٹکر سے طالبعلم ایک بھائی جاں بحق، 2 زخمی

کراچی کے علاقے سرجانی ٹائون میں تیز رفتار ڈمپر کی ٹکر سے سکول جانے والے ایک بھائی جاں بحق اور 2 زخمی ہو گئے۔ پولیس کے مطابق تینوں بھائی گھر سے موٹر سائیکل پر سکول جا رہے تھے کہ تیز رفتار ڈمپر نے انہیں کچل دیا، جس سے تینوں طالب علم شدید زخمی ہوئے۔تینوں زخمی طالب علموں کو فوری طور پر عباسی شہید ہسپتال پہنچایا گیا جہاں پہنچنے پر ڈاکٹروں نے ایک کی موت کی تصدیق کر دی جبکہ 2 کو ہسپتال میں طبی امداد دی گئی ۔ زخمی بھائیوں کے نام اظہر اصغر اور عثمان اصغر بتائے گئے جبکہ بڑا بھائی عمر اصغر جاں بحق ہوا ۔پولیس کے مطابق حادثے کا ذمہ دار ڈرائیور فرار ہو گیا جبکہ ڈمپر کو پولیس نے قبضے میں لے لیا۔