ننکانہ صاحب (نامہ نگار)مختلف وارداتیں،شہری لاکھوں روپے کے مال و زر سے محروم ،مزاحمت پرفائرنگ سے ایک شخص زخمی،ڈکیتی وچوری کی بڑھتی ہوئی وارداتوں سے پریشان شہری عدم تحفظ کاشکارہوگئے،ڈاکو واربرٹن گائوں کے میڈیکل سٹور میں د ا خل ہو کر90ہزار روپے کی نقدی چھین کر فرار ہو گئے اس دوران ڈاکوئوں نے مزاحمت کر نے پر ایک گاہک واصف کو بھی فائر نگ کر کے زخمی کردیا، شاہکوٹ میں سانگلہ ہل روڈ پر فلنگ سٹیشن کے دفتر میں داخل ہو کر چور سیف الماری سے 4 لا کھ 62 ہزار روپے چوری کر کے لے گئے، عبدالوحید موٹر سائیکل پر لنگوال جارہا تھا کہ پنج پلے کے قریب 3 ڈاکوئوں نے 6ہزار روپے ، ایک موبائل فون اور دستاویزات چھین لیں اور اسی اثناء میں ان ڈاکوئوں نے وہاں سے گزرنے والے کوٹ نکا کے رہائشی محمد منیرسے 18ہزار روپے ، ایک موبائل فون اور ایک جیکٹ چھین لی جبکہ دربار روڈ شاہکوٹ کی رہائشی ارم کی غیر موجودگی میں چور 2لاکھ روپے مالیت کے برتن ، کپڑے، کمپیوٹر اور پنکھے وغیرہ چوری کر کے لے گئے۔