قلعہ دیدار سنگھ(نمائندہ خصوصی)عالم چوک گریڈ میں آگ لگنے کے چار روز گزرجانے کے باوجود کئی دیہات کی بجلی بحال نہ ہو سکی۔لوگوں کو پانی کے حصول سمیت کئی مشکلات کا سامنا کئی لوگ دوسرے شہروں میں رشتہ داروں کے ہاں چلے گئے بتایا گیا ہے کے چار روز قبل گیپکو کے عالم چوک گریڈ میں شارٹ سرکٹ کی وجہ سے لگنے والی آگ کے بعد گوجرانوالہ سٹی اور قریبی دیہاتوں کو متبادل گریڈ سے بجلی بحال کر دی گئی ہے تاہم درجنوں دیہاتوں میں ابھی تک بجلی کی سپلائی بحال نہ ہونے سے لوگوں کو پانی کے حصول سمیت کئی مشکلات کا سامنا ہے جبکہ کی فیملیز بجلی کی بندش کی وجہ سے دوسرے شہروں میں مقیم اپنے رشتہ داروں کے پاس چلے گئے ہیں۔گیپکو حکام کے مطابق انجینئرنگ سٹاف عالم چوک گریڈ کے جلنے والے ٹرانسفارمر اور کنٹرول روم کی بحالی کے لئے کام کر رہا ہے تین چار دن تک گریڈ سے بجلی کی بحال کر دی جائے گی۔