معمولی تلخ کلامی پر مسلح افراد کی فائرنگ ،2نوجوان زخمی

لاہور(نامہ نگار)ہنجروال کے علاقے میں معمولی تلخ کلامی پر مسلح افراد کی فائرنگ سے 2نوجوان زخمی ہوگئے ہیں۔ ہنجروال کے علاقے میں کھوکھر چوک کے قریب معمولی تلخ کلامی پر مسلح افراد نے فائرنگ کرکے طیب اور شہزاد کو زخمی کر دیا اور فرار ہوگئے ہیں۔ دونوں زخمیوں کو طبی امداد کیلئے ہسپتال منتقل کردیا گیا ہے۔ پولیس نے موقع پر پہنچ کر کارروائی شروع کردی ہے۔پولیس کا کہنا ہے کہ ملزمان کو جلد گرفتار کرلیا جائے گا۔