نوشہرہ ورکاں (نامہ نگار)پولیس چوکی کے قریب ون وے کی خلاف ورزی جاری،کار اور ٹریکٹر ٹرالی میں تصادم،تفصیلات کے مطابق نواحی گاؤں ارتالی ورکاںکے سامنے پولیس چوکی کے قریب غلط سائیڈ سے جاتی کار کا سامنے سے آتی ٹریکٹر ٹرالی سے ٹکرا گئی۔ٹکر اتنی شدید تھی کہ کار کھیت میں جاگری کارسوار موقع سے فرار ہونے میں کامیاب ہوگئے۔بتایاگیا ہے کہ حادثہ میں ٹریکٹر ڈرائیور ڈسکہ کا رہائشی اٹھائیس سالہ نوید ولد محمد رفیق شدید زخمی ہو گیا۔ جسے ریسکیو 1122 کی ٹیم نے موقع پرپہنچ کر ابتدائی طبی امداد دے کر ہسپتال منتقل کر دیا۔ حادثہ شدید دھند میں کار سواروں کے غلط سائیڈ سے ون وے پرجانے کی وجہ سے پیش آیا، یاد رہے کہ چند روز قبل بھی ون وے کی خلاف ورزی کی وجہ ماں، بیٹی اور بیٹا حادثے کا شکار ہو کر جاں بحق ہو گئے تھے۔