لاہور( سپورٹس رپورٹر) پریمئر سپر کرکٹ لیگ کے گروپ میچز میں ایف بی آر ، سروسز انڈسٹریز ،اٹلس ہونڈا اور ڈیسکون کی ٹیموں نے اپنے میچز جیت لئے ۔ ریس کورس کرکٹ گرائونڈ میں کھیلے گئے پہلے میچ میں سروسز انڈسٹریز نے دفاعی چمپئن نیٹ سول کو 51رنز کے بڑے مارجن سے شکست دیدی ۔سروسز نے پہلے کھیلتے ہوئے136رنز بنائے ، ہدف کے تعاقب میں میدان میں اترنے والی نیٹ سول کی ٹیم صرف 87 رنز بنا سکی۔اسی گرائونڈ میں کھیلے گئے دوسرے میچ میں سنسی خیز مقابلے کے مقابلے ڈیسکون نے پاکستان ایئر پورٹ اتھارٹی کی ٹیم کو 2رنز سے پچھاڑ دیا ۔ڈیسکو ن کے 84رنز کے جواب میں پاکستان ائیر پورٹ اتھارٹی کی ٹیم 82رنز پر ہمت ہار گئی ۔ویلنشیاء کرکٹ گرائونڈ میںیوبی سپورٹس نے حریف ٹیموں کے خلاف دو میچز کھیلے اور اسے دونوں میچوں میں شکست کا سامنا رہا ۔پہلے میچ میںاٹلس ہونڈا نے اسے  10وکٹوں سے شکست دی ۔ اٹلس ہونڈا نے یو بی اسپورٹس کا 104رنز کا ہدف بغیر کسی نقصان کے حاصل کر لیا ۔دوسرے میچ میں یو بی اسپورٹس اور ایف بی آر کی ٹیمیں مد مقابل آئیں۔ ایف بی آر نے 153رنز کا ہندسہ جوڑا جس کے جواب میں یو بی اسپورٹس کی ٹیم130رنز بنا سکی اور23رنز کے مارجن سے شکست سے دوچار ہوئی ۔