لاہور(سپورٹس رپورٹر )پاکستان اورآسٹریلیا  کے مابین تیسر ا اور آخری ٹی 20 میچ آج ہوبارٹ میں کھیلاجائیگا۔تیسرے ٹی 20میچ کیلئے قومی ٹیم سڈنی سے ہوبارٹ پہنچ گئی۔ کینگروز کوسیریز میں 2صفر کی فیصلہ کن برتری حاصل ہے۔واضح رہے کہ پاکستان کو دوسرے ٹی 20 میچ میں 13 رنز سے شکست کا سامنا کرنا پڑا۔ آسٹریلیا نے دوسرے میچ کے ساتھ سیریز بھی جیت لی۔ آسٹریلوی ٹیم کا 148رنز کا ہدف قومی ٹیم کیلئے پہاڑ بن گیا۔ پوری ٹیم 134 رنز پر ڈھیر ہوگئی تھی۔