لاہور(نامہ نگار) سول سوسائٹی نیٹ ورک پاکستان کے زیر اہتمام 9 ویں قومی کانفرنس برائے انسداد منشیات یونیورسٹی آف کراچی میں ہوئی۔چیف آرگنائزر فضل محمد نور زئی، صدر سندھ اقبال سہوانی نے پنجاب، کے پی کے، بلوچستان، گلگت  بلتستان، آزاد کشمیر سمیت پاکستان بھر سے آنیوالے سول سوسائٹی نیٹ ورک پاکستان کے عہدیداروں کو خوش آمدید کیا۔ افتتاحی اجلاس کی صدارت پروفیسر ڈاکٹر شائستہ تبسم نے کی۔ مہمان خصوصی پروفیسر ڈاکٹر اقبال آفریدی، چیئرمین اکمل اویسی، سیکرٹری جنرل ڈاکٹر محمد ریاض، پروفیسر ڈاکٹر فرح اقبال جبکہ مہمانان اعزازی میں پی ٹی وی کے سید امجد حسین شاہ ودیگراسلام آباد سے سعد ریاض ، گلگت  بلتستان سے ذکیہ بتول ودیگر شامل تھے۔