کوٹ عبدالمالک، فیروزوالا، شیخوپورہ میں جھگی والوں کا  قبضہ ،پختہ گھر بنالیے

فیروزوالہ(نامہ نگار) کوٹ عبدالمالک ،فیروز والا اورڈسٹرکٹ شیخوپورہ میں عرصہ دراز رہنے والے خانہ بدوش قبیلوں نے جھگیوں کی جگہ پختہ مکان بنا لئے ہیں‘مالکان کیلئے ان سے اپنی اراضی واگزار کرانا مشکل ہوگیا۔ ضلع کے 20سے زائد مختلف مقامات پر یہ خانہ بدوش آباد ہیں ۔ مالکان ان سیجگہ چھوڑ نے کا مطالبہ بارہا کرچکے مگر یہ عملدر آمد کو تیار نہیں۔ بعض نے مالکان کو مالیت کے حساب سے رقم دینے کی آفربھی  کی ہے جبکہ بعض عدالتوں میں پناہ کی درخواستیں دائر کرچکے کہ ہم مالکان کی مرضی سے یہاں مقیم ہوئے‘ غریب لوگ ہیں ہماری ملازمتیں اطراف میں ہیںرہنے کو اور کوئی جگہ میسر نہیں۔سماجی حلقوں نے خانہ بدوشوں کو سود مند شہری بنانے کیلئے پنجاب حکومت سے اقدامات اٹھانے کی اپیل کی ہے۔