لاہور(نامہ نگار)گرین ٹاؤن کے علاقے میں موٹر سائیکل سوار 14 سالہ طالبعلم ٹریفک حادثہ میں جاں بحق ہوگیا ہے۔گرین ٹاؤن کے علاقے باگڑیاں میں عارف چوک کے قریب 14سالہ لڑکا زبیر فیض موٹر سائیکل پر سوار ہوکر جارہا تھا کہ اس دوران اس کا سکول بیگ موٹر سائیکل کے ٹائر میں پھنسنے کے باعث وہ نیچے گر گیا جبکہ اس دوران پیچھے سے آنے والی تیز رفتار گاڑی نے زبیر فیض کو کچل ڈالا۔جس سے وہ موقع پر ہی جاں بحق ہوگیا ہے جبکہ گاڑی کا ڈرائیورفرار ہو گیا ہے۔ اطلاع ملنے پر پولیس نے موقع پر پہنچ کر نعش قبضے میں لے کر ایدھی ایمبولینس کے ذریعے مردہ خانے منتقل کرکے قانونی کارروائی شروع کردی ہے۔